Ariobarzanes I

Ariobarzanes I
Koning van Kappadosië
’n Kappadosiese muntstuk met die kop van Ariobarzanes I.
Tydperk	95 – 63 v.C.
Grieks	Ἀριοϐαρζάνης Φιλορώμαιος
Voorganger	Ariarathes VIII
Opvolger	Ariobarzanes II
Vader	onbekend
Moeder	onbekend
Vrou	Athenais Philostorgos I
Kinders	Ariobarzanes II Isias Philostorgos
Geloof	Griekse mitologie

Ariobarzanes I, genoem Philoromaios, "die een wat Rome liefhet" (Grieks: Ἀριοϐαρζάνης Φιλορώμαιος), was van 95 v.C tot 63/62 v.C koning van Kappadosië. Hy is deur die Kappadosiërs as koning gekies nadat die Romeinse Republiek die aanspraak van Ariarathes IX verwerp het. Hy was met tussenposes in beheer van ’n koninkryk wat beskou is as ’n protektoraat van Rome.

Hy is drie keer deur koning Tigranes II van Armenië verwyder voordat hy nie net sy posisie beveilig het nie, maar ook die koninkryk uitgebrei het. Hy het eindelik omstreeks 63 of 62 v.C. geabdikeer ten gunste van sy seun, Ariobarzanes II Filopator.